Ushqimi i shpejtë është ndër ushqimet më të preferuara dhe më të konsumuara në mbarë botën. Secili prej nesh është i vetëdijshëm për dëmet që fast food-i ka në organizmin tonë, e megjithatë vazhdojmë ta konsumojmë atë. Kjo vjen si pasojë e varësisë që krijon ky lloj ushqimi.
Të dhënat e publikuara nga një studim i ri, ngrenë shqetësime të reja . Sipas studimit, ushqimet e shpejta na ekspozojnë ndaj pthalate-eve, disa kimikate që gjenden gjerësisht në
industrinë e plastikës.
Në studimin ku janë vëzhguar 8.877 persona, rezultoi se brenda 24 orëve, personat që kishin konsumuar ushqime të shpejta kishin një nivel 40% më të lartë të pthalateeve se ata që nuk i kishin konsumuar këto ushqime.
Këto kimikate, jo vetëm konsiderohen kancerogjene, por kanë efekte negative afatgjata në organizëm duke shkaktuar infertilitet. Kjo është arsyeja përse këto kimikate janë ndaluar nga lodrat e fëmijëve në vitin 2008.