Raportuesi i Parlamentit Europiani Knut Fleckenstein pas takimit me liderët politik tha se nuk ka marr asnjë garanci për miratimin e reformës në drejtësi të enjten në parlament por vetëm premtime.
Ndërsa përsëriti apelin për të gjetur një kompromis qoftë edhe të minutës së fundit, për miratimin e reformës në drejtësi të enjten.
“Nuk mora asnjë garanci sot gjatë takimeve megjithatë e pashë që ka një vullnet, qoftë edhe për një zgjidhje të minutës së fundit. Shpresojmë dhe presim që të ketë një votë pro. Kjo është koha e të vërtetës. Dua të shoh kush është pro e kush është kundër. Shpresoj që ndryshimi të fillojë nga e enjtja”, tha Fleckenstein.
Ndërsa si mundësi të fundit Fleckenstein lë vullnetin e popullit por kjo sipas tij do të krijonte destabilitet politik.
“Nëse reforma nuk miratohet në Kuvend, atëherë i mbetet Parlamentit të vendosë se çfarë do të ndodhë qoftë për qeveri teknike apo për zgjedhje”, thotë eurodeputeti.
Sinjalet e ndërkombëtarëve kanë qenë të qarta, votë pro, në rast të kundërt Shqipëria me shumë gjasa nuk do të ketë një rekomandim pozitiv vjeshtën e këtij viti për hapjen e negociatave.