Inspektoriati Shtetëror Teknik Industrial këshillon qytetarët që të tregohen të kujdesshëm gjatë përdorimit dhe blerjes së bombolave të gazit, si dhe t’i blejnë ato në pikat e licensuara të tregtimit të tyre.

I.SH.T.I u kërkon qytetarëve të mos blejnë bombola në pikat e paautorizuara, dërkohë që Inspektoriati po zhvillon kontrolle në pikat e mbushjes dhe tregtimit të bombolave.

Drejtori i Inspektimit të pajisjeve nën presion pranë I.SH.T.I. Arjan Goshi, iu drejtua qytetarëve me një thirrje para medias:

1.­ Të mos përdorin bombola të vjetra me shenja të dukshme të korrozionit që janë jashtë afateve të kolaudimit.

2.­ Bombolat nuk duhet të mbushen në dyqane që kryejnë tranzvazimin nga një bombolë e madhe në një më të vogël.

3.­ Nuk duhet të mbushen në Autogaze pranë Pikave të Karburantit.

4­. Në të gjitha rastet nga shitësi i bombolave të mbushura duhet të pajisen me fletë palosjen mbi mënyrën e instalimit dhe përdorimit.

Ndërkohë ka hyrë në fuqi që prej datës 1 janar 2017 ligji për ndryshimin e çmimit të gazit, por kjo gjë nuk do të reflektohet në rritje tek çmimi i gazit, pasi kjo rritje prek vetëm gazin për automjete duke e konsideruar këtë nënprodukt të naftës si karburant.