Komisionet e përhershme parlamentare po shqyrtojnë projektligjin e ri për kontrollin kufitar. Përpos të tjerave, drafti dikton rregulla të reja për kontrollin në kufi, kushtet, statusin dhe dokumentacionin e personave që kalojnë kufirin shtetëror të Shqipërisë.

Në projektligj, i cili pritet të miratohet nga Parlamenti brenda këtij sesioni të ri parlamentar, qartësohen disa kushte, rrethana dhe arsye, të cilat ndalojnë shtetasit shqiptarë që të dalin jashtë territorit të Shqipërisë, nëpërmjet pikave kufitare.