Ndërmarrjet sociale janë tashmë të përcaktuara qartë me ligj për herë të parë në legjislacionin shqiptar. Kuadri i ri ligjor përcakton të gjitha kushtet që një ndërmarrje duhet të përmbushë për t’u cilësuar ndërmarrje sociale.
Midis tyre është punësimi i një stafi me 30% të punonjësve nga kategoria e grupeve të pafavorizuara nga aspekti shoqëror dhe ekonomik. Gjithashtu të paktën 30# e të ardhurave të këtyre aktiviteteve duhet të vijnë nga veprimtaritë e parashikuara në nenin 10 të ligjit.
Ndërmarrjet sociale do të funksionojnë juridikisht si organizata jofitimprurëse dhe do të përdoren për të luftuar varfërinë, papunësinë dhe integrimin e grupeve të pafavorizuara të shoqërisë. Ndërsa për vitin 2017 Qeveria parashikon 20 grante me një fond total prej 18 milionë lekësh për këto ndërmarrje.
Kriteret ekonomike
- Ndërmarrja sociale duhet të ushtrojë në mënyrë të vazhdueshme një veprimtari në fushën e prodhimit të mallrave dhe/ose ofrimit të
shërbimeve. - Të paktën, 20 për qind e të ardhurave, pas vitit të dytë të aktivitetit dhe, të paktën, 30 për qind e të ardhurave, pas vitit të tretë e në vijim të aktivitetit, duhet të realizohen nga veprimtaritë e parashikuara në nenin 10 të këtij ligji.
- Në veprimtarinë e saj ndërmarrja sociale, përveç kontributit të vullnetarëve, duhet të përfshijë domosdoshmërish edhe, të paktën, 3 punonjës me pagesë.
- Të ardhurat e realizuara nga veprimtaria ekonomike e ndërmarrjeve sociale i shërbejnë zgjerimit të vazhdueshëm të veprimtarisë së tyre.
Kriteret sociale
- Ndërmarrja sociale synon nxitjen e objektivave socialë në një fushë veprimtarie të mirëpërcaktuar.
- Të paktën, 30 për qind e punonjësve të punësuar në ndërmarrjen sociale duhet t’i përkasin kategorisë së grupeve të pafavorizuara nga pikëpamja sociale dhe ekonomike, të
parashikuara në nenin 11 të këtij ligji.