Pajisjet elektronike si celularët,  tabletat që emëtojnë valë elektromagnetike përbëjnë një rrezik për shëndetin e njeriut.

Dr. Martin Blank nga Departamenti i Psikologjisë në Universitetin e Kolumbisë, i ka bashkuar një grup shkencëtarësh nga e gjithë bota të cilët janë duke bërë apel ndërkombëtar tek Kombet e Bashkuara për rreziqet e lidhura me përdorimin e pajisjeve të ndryshme që emetojnë valë elektromagnetike, të tilla si celularët dhe Wi-Fi.

Organizata Botërore e Shëndetësisë ka pranuar se rrezatimi nga celularët mund të shkaktojë kancer. Ky qëndrim erdhi pas një vendimi të përbashkët të një ekipi prej 31 shkencëtarëve nga 14 vende të ndryshme të botës.

Duke e ditur se truri i fëmijëve absorbon më shumë rrezatim se sa i të rriturve, ekspertët e ndryshëm të shëndetit sugjerojnë që t’i mbani ata larg celularëve, iPad-ve dhe pajisjeve të tjera elektronike që kanë Wi-Fi.

Ekspertët thonë se fëmijët nuk duhet të përdorin celular ose ndonjë pajisje tjetër që ka wireless. Ata thonë që as ju të mos e mbani celularin tuaj afër tyre, duke e fikur atë më shpesh në prani të fëmijëve.