Shqipëria i bashkohet vendeve të tjera europiane në nismën për për tregtimin e paketave me imazhe të pasojave të duhanpirjes. Nisma e iniciuar nga Organizata Botërore e Shëndetësisë synon reduktimin e duhanpirjes dhe ndërgjegjësimin e konsumuesve të duhanit.

Shqipëria duhet të zgjedhë 10 prej 30 imazheve të propozuar anga OBSH, të cilat do të stampohen në paketat e cigareve. Kolitë e para të këtyre paketave në Shqipëri mendohet të jenë gati në 1 janar 2018.

Fushata kundër duhanpirjes do të shmangë reklamimin e cigareve duke njëjtësuar imazhin e markave të ndryshme, të cilat do të dallojnë vetëm nga emri. Kjo masë ka dhënë rezultate të larta në vende të tjera dhe pritet të funksionojë edhe në vendin tonë.