Ministria e Mirëqenies Sociale në bashkëpunim me Bankën Botërore do të ndryshojë skemën e vlerësimit për personat me aftësi të kufizuara, të cilët përfitojnë pagesë.

Tanimë vlerësimi për këta persona nuk do të jetë vetëm mjekësor, por edhe psikosocial, me qëllim që ata që janë të aftë për punë të punësohen, apo t’u krijohen mundësi integrimi.

Shoqatat e aftësisë së kufizuar e kanë kundërshtuar këtë nismë, pasi atyre që do të punësohen do t’u hiqet pagesa e aftësisë së kufizuar.