Produktet e paketuara nuk janë kurrë të këshillueshme, madje shpeshherë ato janë rreptësisht të ndaluara. Megjithatë ne vazhdojmë t’i konsumojmë ato pa marrë parasysh pasojat ndoshta fatale, që mund t’i sjellin organizmit tonë.

Sipas një studimi bërë së fundmi, shkencëtarët kanë gjetur se tek të gjitha këto ushqime të ambalazhuara, niveli i akrilamidit, kimikat i cili rrit rrezikun e kancerit, është shumë i lartë.

Madje ajo që i ka vënë të gjithë në alarm është fakti se nuk përbëjnë asnjë përjashtim edhe markat më të mira.

Sipas standardeve evropiane, patatinat nuk duhet të kenë më shumë se 750 miligramë akrilamid për kilogram. Ndërsa nga analizat e bëra rezulton që ky nivel të jetë 3 herë më shumë se standardi i lejuar.

Akrilamidi është një lloj kimikati i pranishëm edhe në ushqimet e gatuara në shtëpi, pasi është rezultat i pjekjes apo skuqjes në temperatura shumë të larta.

Në fundin e 2017, ekspertët e kësaj çështjeje do të marrin masa në lidhje me këtë.

Restorantet dhe klubet duhet të kujdesen të reduktojnë acrylamide-n, në ushqim, në të kundërt, do të përballen me masa ligjore.