Ka ndërruar jetë në moshën 91-vjeçare shkrimtari Kasëm Trebeshina. Shkrimtari ka ndërruar jetë ditën e djeshme në Ankara, ku jetonte tek vajza e tij.
Pas rënies së komunizmit ai të proklamohej si disident duke marrë për bazë një promemorie që thuhej t’ia kishte dërguar Enver Hoxhës në vitin 1953, ku e kritikonte metodën e realizmit socialist. Megjithatë vërtetësia e këtij pretendimi është vënë në pikëpyetje
Jeta e shkrimtarit Trebeshina
Trebeshina filloi studimet në Shkollën Normale të Elbasanit, por i ndërpreu më 1942, kur u aktivizua në Luftën Nacionalçlirimtare.
Pas vendosjes së regjimit komunist, ai shërbeu si oficer i Drejtorisë së Mbrojtjes Popullore, që drejtohej nga Koçi Xoxe.
Trebeshina ndërpreu edhe studimet e larta në Institutin e Teatrit “Ostrovski” të Leningradit dhe iu kushtua tërësisht krijimtarisë letrare.
Në vitin 1961 arrin të botojë poemën “Artani dhe Min’ja ose hijet e fundit të maleve” dhe një përkthim pa emër të Garsia Lorkës.
Veprat e Kasëm Trebeshinës
- Kruja e çliruar, 1953
- Artani dhe Min’ja, 1961
- Stina e Stinëve, 1991
- Legjenda e asaj që iku, 1992
- Qezari niset për luftë, 1993
- Koha tani, vendi këtu, 1992
- Rruga e Golgotës, 1993
- Mekami, melodi turke, 1994
- Lirika dhe satira, 1994
- Historia e atyre që s’janë, 1994
- Ëndrra dhe hije, 1996
- Hijet e shekujve”, 1996
- Nata para apokalipsit, 1998
- Ku bie Iliria, 2000
- Kënga Shqiptare, 1-5, 2001
- Më përtej kohërave, 2004
- Drama, 2006
- Polimnia dhe Melpomena, 1-2, 2006
- Tregtari i skeleteve, 2006
- Këngë për Kosovën, 2007
- Shtigjet e shekujve, 2007
- Një ditë në natën pa fund (Dafinat e thara), 2016