Dimri është një nga stinët më të rrezikshme për lëkurën, kjo për shkak të ndryshimit të vazhdueshëm të temperaturave.

1.Sapuni i butë 
Me rënien e temperaturave, lëkura juaj bëhet gjithnjë e më e thatë. Niveli lagështisë në lëkurë bie, ndërsa që fytyra juaj bëhet e thatë si dhe vjen deri tek skuqja e fytyrës. Gjatë stinës së dimrit kjo është pothuajse e pashmangshme, por për t’i pakësuar efektet negative, sapunin e vjetër zëvendësojeni me një tjetër që për bazë ka preparatet prej vajit që nuk zvogëlon hidratimin.

2.Kremi hidratues

Produkti kryesor në çantën tuaj të kozmetikës duhet të jetë kremi hidratues. Ai do të parandalojë dehidrimin e lëkurës,po ashtu parandalon më sukses edhe shtresëzimin e lëkurës dhe tendosjen e saj.

3.Krem me vitamina

Në dimër duhet ta zgjidhni të pasur me vitamina. Kremi i përditshëm duhet të ketë një faktor mbrojtës për të evituar që lekura të plaket para kohe.

Sidomos nëse shkoni në mal në muajt e dimrit, mos harroni mbrojtësin për lëkurën e fytyrës.  

4.Krem për duar

Shumë femra nuk kujdesen për dukjen e duarve të tyre, duke mos ditur se mu ato dëshmojnë për moshën e tyre. Andaj, është e rëndësishme që në çantën tuaj ta keni kremin për përkujdesjen ndaj duarve, të cilin duhet vënë rregullisht.

5.Maska për flokë

Këtë dimër blini maskën ushqyese për flokë të cilën duhet ta vendosni së paku një herë në javë. Maskën mund ta krijoni edhe në shtëpi, por e rëndësishme është që ajo të vihet në flokë në kohëzgjatje se paku 10 minuta.