Statistikat tregojnë se numri i aksidenteve në punë në Shqipëri është shumë i lartë, ndërsa bizneset që zbatojnë rregullat e sigurisë dhe shëndetit në punë janë të paktë. Strategjia e Sigurisë dhe Shëndetit në punë për periudhën 2016-2020 përcakton reduktimin me 10% të aksidenteve në punë dhe rritjen me 25% të produktivitetit.

Qeveria duhet të rrisë shpenzimet për shëndetin me 5% dhe informaliteti duhet të ulet në të njëjtën masë. Po kështu bumri i bizneseve që do të zbatojnë rregullat e kërkuara për sigurinë dhe shëndetin në punë duhet të rritet me 25% në mënyrë që të përmbushen objektivat.

Gjatë vitit të kaluar numrii aksidenteve në punë ishte 125, 33 prej të cilëve në sektorin e minierave dhe guroreve. Shkaqet në shumicën e rasteve janë mungesa e masave mbrojtëe, mosofrimi nga punëdhënësit ose mospërdorimi i tyre nga punonjësit.

Sipas të dhënave të vitit 2015 vetëm 11.5% e subjekteve të inspektuara bëjnë vlerësimin e riskut në mënyrë të rregullt. Shumica e vendeve të punës nuk parashikojnë mbrojtjen në rast zjarri dhe planet e evakuimit. Probleme të tjera janë vetëdija e ulët ligjore, mungesa e njohurive  dhe numri i madh i bizneseve jashtë skemës së sigurimit shëndetësor.

Niveli i lartë i papunësisë dhe frika e te mbeturit pa punë gjithashtu i bën njerëzit të mos kërkojnë kushte më të mira në vendin e punës.