Teknologjia zviceriane nuk di të ndalet, sëfundmi përuroi trenin malor me trasenë më të pjerrët në botë.
Ky tren i cili konsiderohet një triumf i arkitekturës moderne, u prezantua zyrtarisht pasditen e së premtes nga presidenti zviceran, Doris Leuthard.
Projekti kalon nga qyteti Schyëz në fshatin malor të Stoos, i cili gjendet 1.300 metra mbi nivelin e detit në qendër të Zvicrës. Pjesa e poshtme e kabinave në formën e fuçive është e modifikueshme në mënyrë që pasagjerët të qëndrojnë drejt edhe kur ngjiten drejt pllajës alpine, me një pjerrësi prej 110%.
Treni do të ngjisë 743 metra përgjatë një segmenti prej 1.738 metrash, në shpejtësinë e 10 metrave për sekondë.
Ndërkohë deri më tani rekordin si treni me trasenë më të pjerrët në botë e mbante “The Gelmerbahn” në qytetin e Bernës, me një pjerrësi prej 106%.