Ministria e Arsimit dhe Sportit ka nxjerrë një urdhër, i cili detyron të gjitha shkollat të plotësojnë një pyetësor për shëndetin e nxënësve në bashkëpunim me prindërit.
Ky pyetësor synon kontrollimin e shëndetit të fëmijëve, patologjive nga të cilat vuajnë dhe medikamentet që kanë marrë në të shkuarën apo marrin ende. Ai është pjesë e platformës së edukimit fizik në arsimin parauniversitar dhe në të shënohen patologjitë si si: asma, diabeti, alergjitë, operacione të mundëshme kirurgjikale, si edhe perdorimi i ndonjë lloj medikamenti, nga ana e nxënësit.
Pyetësori do të mbajë shënim zhvillimin fizik vit pas viti të nxënësve, për të shfrytëzuar si duhet orët e edukimit fizik por mbi të gjitha për të mbajtur nën kontroll shëndetin dhe mbarëvajtjen në mësim e çdo nxënësi.
Ky pyetësor do i shërbejë gjithashtu shmangies së problemeve të adoleshentëve me alkoolin dhe drogën.