Ukrainë, hapet klasa e parë në gjuhën shqipe në qytetin Priazovski

shkolla

Fëmijët shqiptarë që jetojnë në Priazovski të Ukrainës do të kenë mundësi të arsimohen në gjuhën shqipe. Këtë vit shkollor në këtë qytet është hapur klasa e parë shqipe, e cila do i shërbejë komunitetit shqiptar në këtë zonë.

Në ceremoninë e organizuar me këtë rast mori pjesë ambasadorja e Shqipërisë në Poloni, Shpresa Kureta, e cila dhuroi libra për nxënësit e klasës shqipe. Të pranishmit ndoqën edhe një pjesë artistike në gjuhën e vjetër shqipe të përgatitur nga mësuesit dhe nxënësit e kësaj klase.

Në aktivitet morën pjesë rreth 30 përfaqësues të komunitetit shqiptar nga qytete të ndryshme të Ukrainës. Në fund të takimit u themelua edhe Unioni i Shqiptarëve të Ukrainës, të cilët pritet të përfaqësohen edhe në Samitin e Diasporës që do të mbahet në Tiranë në datat 18-20 nëntor 2016.

Pin It