Nuk ka më vend për panik edhe nëse gëlltisni çimçakëzin. Në fakt çamçakëzi nuk është krijuar për t’u ngrënë, por për t’u përtypur, mjekët konfirmojnë se ai nuk mund t’i ngjisë organet vitale të një njeriu.

Por çfarë ndodh në të vërtetë kur gëlltisim një çamçakëz?

Sipas ekspertes Lisa Ganjihu nga NYU Langone Medical Centre në New York, ai kalon në trup njësoj si ushqimet e tjera, por është më i vështirë për t’u tretur.

Duke folur për Buzzfeed ajo thotë se sistemi tretës është shumë i fortë, e sa kohë mund të tresë një biftek të tërë, çamçakëzi nuk është problem.

Megjithatë ato nuk kanë asnjëlloj vlere ushqyese, ndaj sipas ekspertes nuk është e këshillueshme që t’i gëlltisni.