Në një kohë kur siguria rrugore është në në thuajse në qëndër të vëmendjes për shkak të aksidenteve të shumta me pasoja të rënda, Ministri i Transportit Haxhinasto ka vendosur që të fillojë edukimin që nga fëmijët. Ai ka qënë i pranishëm në një aktivitet për sigurinë rrugore për fëmijët. Në fjalën e tijë Haxhinasto tha se edukimi i fëmijëve është një hap shumë i rëndësishëm për të ardhmen. Haxhinasto tha se në vitin 2014 është ndërmarrë një plan për sigurinë.

Haxhinasto: Një nga elementët më të rëndësishëm të këtij plani është edukimi i brezave të rinj. për të rritur sigurinë e transportit të fëmijëve, veçanërisht me autobuzët e posaçëm për nxënësit. Do të jemi shumë rigoroz që të gjitha rregullat, të gjitha kërkesat e këtij trasporti, të respektohen nga shkollat dhe operatorët e ndryshëm të transportit.

Drejtori i Policisë Rrugore Mitat Tola i bëri thirrje fëmijëve që mos të lejojnë prindërit në rastet kur ata nuk zbatojnë rregullat e qarkullimit.

Tola: Në momentin që ata nuk e vendosin rripin e sigurimit dhe nuk ju lidhin edhe juve, nuk do ti lini prindërit të përdorin pije alkoolike. Do bërtisni fort në mënyrë që ata të mos e nisin makinë duke qenë të dehur. Këshillë tjetër nuk kam. Ju jeni brezi i rid he duhet të mësoheni me një edukatë tjetër. Jo alkool, kasakt që keni do ti vendosni në motor dhe biçikletë dhe do ta kaloni rrugën me shumë kujdes.