New Yorku kërkon të instalojë teknologji, kamera për të njohur tiparet e fytyrës, në mënyrë që gjërat e dyshimta në një qytet të madh si New Yorku të identifikohen më lehtë.
Guvernatori Andew Cuomo mendon të instalojë kamera dhe sensorë të njohjes së fytyrave në ura apo tunele. “Në çdo kalim, dhe në vënde si mbi ura dhe tunele, do të instalohen kamera të avancuara me sensorë te cilat do të lexojne targat e makinave. Jemi duke testuar programin e pajisur me njohjen e tipareve te fytyres. Këto teknologji do të zbatohen në të gjithë aeroportet dhe në vendet e levizjes tranzitit , duke përfshirë këtu edhe kompleksin Penn-Farley”, ka shkruar në faqen e tij të websajtit guvernatori.
Megjithatë njohja e fytyrës me anë të teknologjisë është ende pak larg që të realizohet në perfeksion për shkak të vështirësive në njohjen e ngjyrës së lekurës.