Ish trajneri i Realit të Madridit, Fabio Capello mendon se problemi më i madh i “galaktikëve” në këtë fillim sezoni është Cristiano Ronaldo.
Ronaldo deri tani ka luajtur në katër nga shtatë ndeshjet e kampionatit spanjoll, duke shënuar vetëm 1 gol dhe dhuruar vetëm një asist. Italiani Capello mendon se gjendja e dobët fizike e portugezit po i kushton trajnerit Zinedine Zidane.
“Cristiano nuk është mirë fizikisht. Problemi i Real Madridit tani është pikërisht ai, sepse është lojtari më i mirë i skuadrës”, tha 70-vjeçari për mediat spanjolle.