Futbollisti kosovar i Stoke Cityt, Xherdan Shaqiri, ka qenë pika kryesore e diskutimit në konferencës për shtyp të cilën e mbajti trajneri i ekipit Mark Hughes.
”Është e sigurt se ai do të mungojë në ndeshjen e së dielës. Atij do t’i duhen së paku 10 ditë për rikuperim dhe kjo është keq,” ka thënë Hughes.
”Është keq sepse ai tashmë u ambientua me Premier Ligën dhe do të mund të na ndihmonte shumë në ndeshjet e rëndësishme që na presin,” ka vijuar Hughes.
Gjatë fundjavës Stoke do të ndeshet me Arsenalin, ndërsa në xhiron e radhës, ku gjithashtu mund të mungojë Shaqiri, luajnë me Leicester Cityn.