Në Britani më shumë se 250,000 vende pune të zëna nga sektori publik mund të zëvendësohen nga robotë në 15 vitet e ardhshme.

Studimi, i kryer nga një grup shkencëtarësh Britanikë të shoqatës “Reform”, zbulon se në Britani të punësuarit mund të zëvendësohen deri në vitin 2030, duke i shpëtuar taksapaguesit nga taksa që shkojnë deri në 4 miliard paund në vit.

Thuhet se robotët dhe inteligjenca artificiale do t’ia kalojë njeriut duke i marrë punën duke u bërë më efikase në mbledhjen e të dhënave dhe punëve administrative, por gjithashtu edhe në punët në shëndetësi, si për shembull në përcaktimin e diagnozave të lehta për pacientët dhe në procedurat kirurgjike.

“Reform” në një konferencë për shtyp tha se studimi shpalos faktin se këto shërbime publike mund të kthehen në shpikjen e madhe të ardhshme, duke përdorur një ekonomi të përshtatshme për të punësuar doktorë dhe mësues të përkohshëm.