Plot 39246 maturantë do të zhvillojnë këtë të shtunë provimin e parë të maturës. Prej këtyre 1146 janë maturantë të bartuar nga vitet e kaluara.
Provimi i parë që do të zhvillohet është gjuha e huaj dhe do të nisë në orën 10: 00 dhe do të zgjasë 2 orë e 30 minuta.
Zvëvendës Ministrja e Arsimit Nora Malaj nëpërmjet një deklarate për mediat uroi sot një ditë para provimit të parë nxënësit dhe u kërkoi atyre që të kenë kujdesh dhe të mos dëmtojnë kodin e sekretimit.
Provimiet e tjerë do të jenë më datë 11, më 17 dhe 24 qershorë ku do të jetë provimi i fundit i lëndëve me zgjedhje.
Ja disa rregullat për nxënësit!
- Maturanti paraqitet në qendrën e provimit 1 ore e 30 minuta përpara fillimit te provimit.
- Maturanti duhet të ketë me vete, vetëm dokumentin e identifikimit dhe stilolaps.
- Maturanti plotëson testin vetëm me stilolaps me ngjyrë të zezë ose blu dhe ne pyetjet me alternativa rrethon vetëm alternativen e saktë.
- Maturanti përjashtohet automatikisht nga provimi nëse mban me vete celular apo çdo mjet tjetër komunikimi në mjediset e provimit.
- Maturanti nuk duhet të dëmtoje kodin e sekretimit të testit, apo të vendos mbi te shenja të dallueshme dhe te veçanta.
- Maturanteve me aftësi te kufizuara do t’ju krijohen kushtet e përshtatshme për zhvillimin e provimit.
- Maturantët që dorëzojnë testin përpara kohës se mbarimit te provimit, nuk largohen nga qendra e provimit.
- Maturanti nuk mund të:
- ndryshojë vendin e caktuar;
- komunikojë apo të japë informacion me maturantet e tjerë;
- refuzojë kontrollin nga ana e administratoreve.
Provimi do të fillojë në orën 10.00 dhe do të zgjasë 2 orë e 30 minuta.
