Të çelësh agjërimin me ushqim të mrekullueshëm
Dashuria për ushqimin dhe rëndësia e konsumit, por edhe e mungesës së tij janë fokusi i muajit të shenjtë të Ramazanit dhe përfundimit të tij me festën e quajtur Eid-el-Fitr (Fitër Bajrami). Për shefin e kuzhinës nga Bangladeshi, Aktar Islam, fitues i disa çmimeve, Bajrami i Fitrit ka qenë gjithnjë një rast i veçantë.
“Ishte koha kur takoja familjen dhe miqtë dhe mbi të gjitha mund të haja çtë doja duke u tejngopur me ushqimin e mrekullueshëm aziatik”, thotë ai.
Petat e larmishme
Një mëngjes tipik Bajrami në shtëpitë myslimane në Bangladesh fillon me një pjatë Shir Hurma. Kjo është një përzierje e petëve të thara me qumësht, me erëza dhe kanellë që shërbehen me një bukë indiane. Petët e thara përdoren në shumë gatime dhe ëmbëlsira gjatë Ramazanit dhe Bajramit në botë. Fotoja tregon një punëtor indian që than petët gjatë përgatitjeve për Ramazan.
Njerëzit mblidhen së bashku
Pas mëngjesit të ëmbël në shtëpi Aktar Islam dhe familja e tij zakonisht shkojnë në xhami për faljen e namazit. Disa xhami, si kjo në foto, shtrojnë ushqime të përbashkëta, ku besimtarët mund të prishin agjërimin së bashku.
Shije vendase
Myslimanët nëpër botë festojnë Fitër Bajramin për të shënuar fundin e Ramazanit, gjatë të cilit ata e privojnë veten nga ushqimet, pijet, duhani dhe marrëdhëniet seksuale nga agimi në perëndim. Çdo zonë ka traditat e veta për këtë ditë si Roty John, një lloj sanduiçi omeletë nga Malajzia.
Kulmi i ëmbëlsisë
Ky burrë po përgatit një ëmbëlsirë Nepaleze të quajtur Lalmohan- një petull ëmbël e skuqur që shërbehet me kos të ftohtë.
Pjata mirësie
Këto pjata të shijshme, të cilat do t’u shërbehen fëmijëve në një xhami në Xhakarta, Indonezi, mund të jenë ushqim tipik iftari – disa fruta, oriz, kek, petulla, çaj dhe ujë.
Kinë
Myslimanët në Kinë gatuajnë qingj para sheshit të xhamisë për të festuar Fitër Bajramin. Më pas ata vazhdojnë faljen e namazit dhe festimet në rrugë.
Qerasje të ëmbla për banket
Një bukëpjekës palestinez përgatit bakllava me arra dhe shurup mjalti.
Ushqim për të gjithë
Një djalë i ri përgatit tasat me ushqim para iftarit në qytetin e dytë më të madh në Pakistan, Lahore. Pakistan është shteti i dytë në botë për nga numri i myslimanëve. Indonezia është e para.