Elseid Hysaj dhe Napoli kanë gjetur gjuhën e përbashkët dhe të dyja palët kanë firmosur kontratën e re.

Lajmin e ka bërë të ditur Aurelio de Laurentis, i cili ka pohuar në “Twitter” që mbrojtësi kuqezi ka vendosur të vijojë bashkëpunimin me italianët.

Bëhet fjalë për një kontratë detajet e së cilës qarkullonin nëpër mediat sportive italiane prej ditësh tashmë. Mbrojtësi i Kombëtares lidhet me napoletanët deri në vitin 2021 me opsion rinovimin edhe për 2022.

Hysaj ishte një ndër lojtarët më të kërkuar në merkaton verore, por tashmë ai do të jetë pjesë e Napolit edhe për pesë sezone të tjera.