Aktiviteti juaj në rrjetet sociale nuk është aq personal sa mund të mendohet. Ashtu siç mund të shërbejnë për të rritur rrjetin e njohjeve dhe marrëdhënieve të punës, po ashtu ato mund të kthehen në pengesë për punësimin tuaj. Ekspertët e lidershipit dhe karrierës thonë se punëdhënësit i vlerësojnë kandidatët edhe sipas prezantimit të tyre në profilet në rrjetet sociale.
Sipas studimit të publikuar në Forbes, 93% e punonjësve kanë vëzhguar aktivitetin e kandidatëve për vendin e punës në këto rrjete dhe 69% e tyre i kanë refuzuar kandidatët si pasojë e përmbajtjeve të papërshtatshme në profilet e tyre. Në mënyrë të anasjelltë 68% e pronarëve pohuan se i kanë punësuar kandidatët, ngaqë kanë pëlqyer prezantimin e tyre në këto profile.
Po ashtu mënyra se si ne i përdorim Facebook, Twitter, Instagram etj., mund të ndikojë në ngritjen tonë në detyrë ose jo.
Ekspertët këshillojnë pastrimin e profileve sociale nga aktivitetet që neve vetë nuk do të na pëlqenin nëse do e kërkonim veten në Google. Ndër gjërat e papëlqyeshme për punëdhënësit, mund të përmendim:
- Fotot e papërshtatshme
- Komente/Statuse me gjuhë të papërshtatshme
- Mashtrimet
- Paraqitje e aftësive të dobëta komunikuese
- Postim duke konsumuar alkool etj.
