Manchester City do të bëjë një ofertë të majme për mesfushorin ofensiv të Schalkes, Leroy Sane.

Sipas njoftimit, klubi anglez ka gati 55 milionë euro për futbollistin 19-vjeçar.

Në rast se do të ndodhë transferimi, atëherë ai do të bëhet lojtari më i shtrenjtë gjerman në histori duke thyer rekordin e Mesut Ozil, i cili në vitin 2013 kaloi nga Real Madridi te Arsenali për 50 milionë euro.

Ditë më parë, menaxheri gjeneral i Schalkes, Horst Heldt, deklaroi se klubi nuk e ka në plan që ta shesë Sanen.

“Ne nuk duam ta shesim dhe Leroy nuk dëshiron të largohet nga klubi. Madje as Manchester City nuk ka aq shumë para!”, ka thënë Heldt.