Në shtator hapet konkursi për prokurorë dhe gjyqtarë të rinj

gjykata-vendos1-e1437565253319

Shkolla e Magjistraturës do të hapë konkursin për prokurorë dhe gjyqtarë të rinj brenda këtij vitit, pas 3 vjetësh ndërprerje. Lajmi konfirmohet nga drejtori i Shkollës së Magjistraturës, Sokol Sadushi, i cili tha se konkursi i radhës do të jetë në muajin shtator. “Në muajt korrik­-gusht fillon depozitimi i dokumentacionit dhe në shtator do të zhvillohet konkurrimi”, ­tha Sadushi. Këto do të jenë pranimet e para pas reformës në drejtësi e cila pritet të mbyllet brenda qershorit (afat i vendosur nga Kuvendi për punimet e komisionit të posaçëm), edhe pse politika është angazhuar ta votojë atë në mars. Ende nuk dihet se sa do të jetë numri i pranimeve të reja, por me ligjin ekzistues, “Numri i kandidatëve varet çdo vit nga vendet vakant që shpall Këshilli i Lartë i Drejtësisë dhe Prokuroria e Përgjithshme, para se të zhvillohet provimi i pranimit”. Nuk dihet se si do të vendosë reforma në drejtësi për këtë çështje, duke lënë kështu të hapur numrin e kandidatëve, që sidoqoftë, kjo do të përcaktohet nga nevojat e reja të sistemit. Kriteret do të ngelen të njëjtat, dhe pse pritet që tu jepet prioritet atyre që kanë studiuar jashtë.

Pin It