Tirana, Elbasani dhe Fieri janë qytetet më të ndotura të Shqipërise dhe sipas Agjencisë Kombëtare të Mjedisit shkaktarë të ndotjes janë shkarkimet e trafikut, të cilat mund të jenë edhe kancerogjene.
Sipas AKM ndotja e ajrit në këto qytete e kalon normën e Bashkimit Europian dhe një prej shkaktarëve kryesorë janë makinat me naftë.
Ndotësit kryesorë të ajrit aktualisht janë LGS bloza, grimcat PM10, monoksidi i karbonit, hidrokarburet policiklike aromatike (HPA) dhe ndotësit fotokimikë (ozoni e bioksidi i azotit), të lidhur thuajse tërësisht me shkarkimet e trafikut në Shqipëri.
Shkarkimet e automjeteve me naftë, sipas Agjencisë, janë përgjegjës për shumicën e grimcave PM10 në ajër, ku pjesa më e madhe e tyre, në sasinë e blozës së përgjithshme, varion nga 8090 % të sasive totale te PM10, të hasur në ajrin urban.
Agjencia Kombëtare e Mjedisit rekomandon rinovimin e flotës së automjeteve dhe përmirësimin e raportit për automjetet që përdorin si lëndë djegëse benzinën e gazin, përmirësimin e trafikut urban, respektimin e normave mjedisore në punimet e infrastrukturës rrugore dhe në sektorin e ndërtimit, si dhe në menaxhimin e mbetjeve.